Tras, tras, cucutrás

Para xogar coas palabras e coa pronuncia.

“Pito pato, pato pito,
pita pata, para atrás.
Barro borra, barre burra
barra arriba, Barrabás.
Tole tole, paparrucha,
ringo rango, sasasfrás.
Tristre trasto, cucufate,
picaporte, Don Tomás”.

Tras, tras, cucutrás“, de Juan Clemente e Aitana Carrasco en Factoría K de libros, 2010.

Os 28 poemas de “Tras, tras, cucutrás” son a materialización sonora e literaria da diversión; representan a dimensión lúdica do verso, ; compoñen un divertimento de rimas en hábil equilibrio.

Letras e sílabas agrúpanse nunha simpática compaña para dar lugar a palabras surrealistas e sin sentido, cando non son as propias palabras as que adquiren significados exóticos.

Advertisements

Bolboretas no papel

No país das bolboretas
fai cada un o que lle peta.

As abellas fan calceta,
os cans tocan a trompeta
e os coellos a corneta.
 
As carreiras son sen meta,
mesmo as curvas son ben rectas
e os poemas perden letras.
 
As centolas son perfectas,
os pardais van en carretas
e o sol anda en bicicleta.
 
No país das bolboretas
fai cada un o que lle peta.

Bolboretas no papel“, de Antonio García Teijeiro en Tambre, 2008, é unha colección de versos co protagonismo común das bolboretas, que voan coñecendo o planeta, mesmo viaxan xunto aos poetas, bailan con Lorca, fan versos con Manuel María, móvense polo ceo azul con Celso Emilio Ferreiro, ou son compañeiras de auga con Antonio Machado.


Aserrín, aserrán…


Aserrín: repertorio de mimos, juegos y canciones para los más pequeños“, de Marta Badía y Joaquín Díaz en Arola Editors, 2010.

Es una compilación de 111 ejemplos, procedentes del folklore castellano, que incluye mimos, juegos, juegos danzados, recitados y canciones. La selección obedece al objetivo de presentar un material orientado y pensado para niños muy pequeños, preferentemente bebés, y niños de uno, dos y tres años de edad. Cada propuesta se presenta a modo de ficha que incluye: 
– El texto y el ritmo del recitado o melodía 
– La explicación de cómo se juega 
– La enumeración de los contenidos más evidentes que trabaja cada ejemplo, especialmente los relacionados con los ámbitos de comunicación, 
afectividad, lenguaje, cuerpo y movimiento, y música 
– Un texto de carácter pedagógico con recomendaciones y propuestas de ampliación del propio juego o mimo descritos 
El libro está pensado para los padres, las madres, los educadores, los maestros, los tíos, los abuelos o cualquier persona adulta que tenga contacto 
con algún pequeño. Pretende ser una herramienta que facilite un repertorio y unas propuestas para trabajarlo fácilmente y de manera inmediata. 
Todos los niños necesitan un adulto que los haga jugar y, a la vez, les enseñe.


A musicalidade da lingua

A LINGUA

Chegou unha nena labrega
coa boca cargada de mel
á porta pechada da escola
e non llo quixeron coller.
Dicía:
laranxa,
paxel,
pelouro,
árbore,
tixola,
trepia,
perixel.
Volveu a meniña prá casa
coa boca amarga de fel.
¡Coitado o meniño galego,
Se o mestre non fala como el!

Este poema de Helena Villar e Xesús Rábade, de “Cantan os nenos, publicada en 1983, forma parte da “Antoloxía da poesía infantil galega. O libro dos cen poemas“, realizada por Xosé María Álvarez Cáccamo para Espiral Maior en 2002. Recóllense poemas populares e tradicionais, así como outros dun total de 42 autores galegos, desde os clásicos aos contemporáneos. Completase cun capítulo de actividades arredor de 15 poemas que a modo de exemplo tratan de mostrar como traballar a oralidade e a expresión creativa.


Aire sonoro

Aire sonoro” é unha pequena xoia poética de A.García Teijeiro dedicada aos que aman as cores dos instrumentos. Comeza cunha cita de Daniel Barenboim, na que fai referencia ao músico italiano Busoni quen dixo que a música é aire sonoro, aire con son, nada máis ca iso.

Aire sonoro
notas ó vento
música libre
en movemento.

Trinta e un poemas cuxo eixo temático é a música; no que o son, a cor e mesmo o olor dos sons dos instrumentos nos proporcionan unha absolutamente lírica e sinestésica, que tiveron continuación en “Recendos de aire sonoro“, publicado en Xerais no 2011, feito tamén  de palabras cheas de musicalidade. Comeza cunha cita de Yehudi Menuhin que disipa as nosas dúbidas como profesionais da educación:

Na miña opinión, o primeiro encontro dun neno coa música debería ser de tal xeito que espertase e estimulase a súa fantasía, o seu mundo afectivo, o seus soños e quizais ata a súa ambición.